ՀՀ Պաշտպանութեան Նախարարութեան մամուլի քարտուղար Շուշան Ստեփանեան դիմատետրի իր էջին վրայ գրած է.
«ՀՀ Պաշտպանութեան Նախարարութիւնը պաշտօնապէս կը տեղեկացնէ, որ Ատրպէյճանի ղեկավարութեան յայտարարութիւնները, թէ, իբր, Հայաստանի Հանրապետութեան տարածքէն յարձակում իրականացուած է Մինգեչաուրի ուղղութեամբ, հերթական կեղծիք է:
Հայաստանէն Ատրպէյճանի ուղղութեամբ որեւէ ձեւով կրակ չէ բացուած: Սա ատրպէյճանական կողմի յուսահատական ջղաձգումներու հերթական արգասիքն է»: