«Էրմէնիհապեր».-Թուրքիոյ նախագահ Էրտոդանի աշխատակազմի հանրային կապերու բաժինի ղեկավար Ֆահրեթթին Ալթուն մեկնած է Ատրպէյճան: Ան պիտի մասնակցի թրքախօս երկիրներու գործակցութեան խորհուրդի մետիայի եւ տեղեկատուութեան հարցերու պատասխանատու նախարարներու ժողովին:
Ալթուն մեկնած է Ատրպէյճանի զինեալ ուժերու կողմէ տիրապետուած Աղդամ (Ակնայ) քաղաք, այցելած է Գեանջայ (Գանձակ) քաղաք, որ հրթիռակոծման ենթարկուած էր Արցախի զինեալ ուժերու կողմէն` ի պատասխան ատրպէյճանական յարձակումին: Գանձակ կատարած այցելութեան ընթացքին Ալթուն շարք մը անհիմն յայտարարութիւններ կատարած է Հայաստանի մասին:
Ի դէպ` յիշեալ ժողովին մասնակցած են նաեւ թրքական պետական «Anadolu» լրատուական գործակալութեան ներկայացուցիչները: