«Էրմէնիհապեր».-Թուրքիոյ Արտաքին գործոց նախարար Մեւլութ Չաւուշօղլուն ԱՄՆ նախագահ Ջոզէֆ Պայտընի ապրիլքսանչորսեան ուղերձով եւ անոր կողմէն ցեղասպանութիւն բառը պաշտօնապէս կիրառելէն վերջ թուիթերեան իր միքրոպլոկինմէջ գրառում կատարած է:
Չաւուշօղլուն մասնաւորապէս յայտնած է.
«Բառերը չեն կրնար փոխել պատմութիւնը, չեն կրնար վերաշարադրել: Մեր պատմութեան մասին ոչ ոքէն դաս քաղելու մտադրութիւն չունինք: Քաղաքական շահախնդրութիւնը խաղաղութեան եւ արդարութեան հանդէպ դաւաճանութիւն է:
Այս յայտարարութեան միակ հիմքը ժողովրդականութիւնն է, եւ մենք ամբողջովին կը մերժենք»:
Չաւուշօղլուն չբաւարարուելով մէկ անգամեայ գրառումով` յոխորտագին մեկնաբանութեամբ երկրորդ անգամ բաժնեկցած է թուիթերի իր էջին վրայ: