«Էրմէնիհապեր».-Թուրքիոյ նախագահ Էրտողանի եւ ԱՄՆ նախագահ Պայտընի` 14 Յոււնիսին տեղի ունենալիք հանդիպումին ընդառաջ Սպիտակ տունը հանդէս եկած է պաշտօնական յայտարարութեամբ:
Յայտարարութեան մէջ անդրադարձ կատարուած է սպասուելիք հանդիպումի օրակարգին:
ԱՄՆ նախագահի Ազգային անվտանգութեան հարցերու խորհրդական Ճէյք Սալիւան յայտնած է, որ երկու երկիրներու առաջնորդները հանդիպումի ընթացքին մասնաւորապէս պիտի քննարկեն Միջերկրական ծովու արեւելքին, Սուրիոյ, Իրանին, Լեռնային Ղարաբաղին (Արցախ) առնչուող հարցեր:
Հանդիպումը նախատեսուած է իրականացնել Պելճիքայի մայրաքաղաք Պրիւքսէլի մէջ` ՆԱԹՕ-ի գագաթաժողովին:
Էրտողան եւ Պայտըն պիտի անդրադառնան նաեւ ԱՄՆ-Թուրքիա երկկողմ յարաբերութիւններուն: