ԱՄՆ Հայ Դատի Յանձնախումբը հաղորդած է, որ ԱՄՆ Ծերակոյտի արտաքին յարաբերութիւններու յանձնաժողովի նախագահ Ռոպերթ Մենենտես Եւրոպայի եւ Եւրասիոյ հարցերով պետքարտուղարի տեղակալի պաշտօնով Քերըն Տոնֆրայտի թեկնածութեան հաստատման լսումներու ընթացքին իր մտահոգութիւնը յայտնած է նախագահ Ճօ Պայտընի վարչակազմի կողմէն «Ազատութեան Աջակցութեան Ցոյցի» 907-րդ ուղղումէն հրաժարելու որոշումին առնչութեամբ:
«Ատրպէյճանը այժմ սահմանային վէճի հետեւանքով ներխուժած է Հայաստանի ֆիզիքական տարածք, եւ ես կը կարծեմ՝ ան կը շարունակէ իր յարձակողական վարքագիծը, որովհետեւ յստակ ուղերձ չէ ստացած այն մասին, ինչ որ անընդունելի է», ըսած է Մենենտես: