ՀՅԴ Արցախի Երիտասարդական Միութիւնը հաղորդագրութիւն տարածած է, ուր ըսուած է.
«ՀՅԴ Արցախի Երիտասարդական Միութիւնը աջակցութեան տեսաուղերձներ ստացած է ՀՅԴ աշխարհասփիւռ երիտասարդական եւ ուսանողական միութիւններէն` 27 Սեպտեմբեր 2020-ին ատրպէյճանաթրքական զինեալ կազմաւորումներու կողմէն սանձազերծուած պատերազմի առաջին տարելիցին առիթով:
ՀՅԴ Արցախի Երիտասարդական Միութիւնը համախմբած է ՀՅԴ Երիտասարդական ընտանիքը Արցախի մէջ եւ յատկապէս պատերազմէն վերջ իր ողջ ներուժը օգտագործած է Արցախի զարգացման համար:
Արցախ-Հայաստան-Սփիւռք. ահա այն հզօր ուժը, որ կրնայ իր միասնականութեամբ չէզոքացնել մեր հայրենիքը սպառնացող բոլոր վտանգները»: