Համազգայինի Հալէպի Հայագիտական հիմնարկի Վարչութեան հրաւէրով, 10 Մարտ 2022-ին, Հինգշաբթի երեկոյեան, Բերիոյ Հայոց Թեմի Առաջնորդ Գերշ. Տ. Մասիս Ս. Եպս. Զօպուեան իր անդրանիկ այցելութիւնը տուաւ Համազգայինի Հալէպի Հայագիտական հիմնարկին, շրջեցաւ դասարանները, զրուցեց ուսանողութեան հետ, ապա մտերմիկ հանդիպում ունեցաւ Շրջ. Վարչութեան, հիմնարկի վարչութեան, դասախօսական կազմին և տնօրէնութեան հետ։
Սրբազան Հայրը բարձր գնահատեց տարուած անձնուէր աշխատանքն ու անմնացորդ նուիրումը, որոնց շնորհիւ հիմնարկը 25 տարիէ ի վեր անխափան կը գործէ, հակառակ Սուրիոյ պատերազմին և տնտեսական ծանր պայմաններուն։