“Երկիր Մետիա”._Ատրպէյճանի Արտաքին Գործոց Նախարարութիւնը յայտարարութիւն տարածած է՝ հերքելով 28 Մայիս 2022-ին հրադադարի խախտումին մասին Հայաստանի յայտարարութիւնները, որուն հետեւանքով մահացած է ՀՀ ԶՈՒ ժամկէտային զինծառայող Դաւիթ Վագանովիչ Վարդանեան, յայտնած է Ատրպէյճանի ԱԳՆ-ն։
«Մենք կտրականապէս կը մերժենք Հայաստանի Արտաքին Գործոց Նախարարութեան` 28 Մայիս 2022_ի յայտարարութիւնը Ատրպէյճանի կողմէն հրադադարի ենթադրեալ խախտումին առնչութեամբ, ինչպէս նաեւ Ատրպէյճանին ուղղուած բոլորովին անհիմն մեղադրանքներու մասով», ըսուած է ԱԳՆ-ի յայտարարութեան մեկնաբանութեան մէջ։ Հայաստանի ԱԳՆ-ն 28 Մայիսին հրապարակած է Ատրպէյճանի նախարարութեան կայքէն։
Ատրպէյճանի ԱԳՆ-ն յայտնած է, որ «հայկական կողմի յայտարարութիւնները ուղղուած են խարխլելու յարաբերութիւններու կարգաւորման ուղղուած քայլերը, ինչպէս նաեւ պետական սահմանի սահմանազատման գործընթացը»։
Յայտարարութեան մէջ նաեւ նշուած է, որ պաշտօնական Պաքուն վճռականօրէն պիտի ճնշէ որեւէ քայլ՝ ուղղուած այս գործընթացին դէմ։
Աւելի ուշ ՀՀ ԱԳՆ-ն յայտարարած էր, որ խստօրէն կը դատապարտէ 28 Մայիսին ՀՀ սահմանագօտիի հարաւարեւելեան ուղղութեամբ Ատրպէյճանի զինեալ ուժերու կողմէն հրադադարի կոպիտ խախտումը, որուն հետեւանքով զոհուած է ՀՀ ԶՈՒ զինծառայող, շարքային Դաւիթ Վահանի Վարդանեան: