(Լիզպոնի Ողջակէզներուն 39-րդ Տարեդարձին Առիթով)
Նուիրեալ հնգեակ,
Մերժեցիք վայելք ու կեանք,
Հասաք Լիզպոն քաղաք,
Իրաւազրկուած ազգի համար Մատուցելու սուրբ պատարագ։
Անձնազոհեր անօրինակ,
Խոյանքով ձեր տուիք ահազանգ։
Իրաւունքի ձայնը հնչեց
Զերթ ուժանակ,
Պայթուցիկը՝ հայ ցասումն էր խտացած։
Հինգ առիւծներ դաշնակցական Խլացուցիք աշխարհն համայն։
Քանդեցիք ամրոցները լռութեան,
Խորհրդանիշն էք խիզախութեան,
Ներշնչարան՝
Սերունդներուն հայութեան։
Գրիգոր Տունկեան