Արցախի Հանրապետութեան Ազգային ժողովի նախագահի պաշտօնակատար Գագիկ Բաղունց յայտարարութիւն կատարած է նախագահի ընտրութեան հարցով Ազգային ժողովի յատուկ նիստ գումարելու մասին։

Յայտարարութեան մէջ մասնաւորապէս կ՚ըսուի․
«Առաջնորդուելով Սահմանադրութեան 168.1-ին յօդուածի 1-ին մասով և «Ազգային ժողովի կանոնակարգ» օրէնքի 149.1-ին յօդուածի 2-րդ և 3-րդ մասերով ՝ Ազգային ժողովի «Ազատ հայրենիք — ՔՄԴ», «Արդարութիւն», «Հայ Յեղափոխական Դաշնակցություն» և «Արցախի Ժողովրդավարական Կուսակցութիւն» խմբակցութիւնները Հանրապետութեան նախագահի թեկնածու առաջադրած է Սամուէլ Սերկէյ Շահրամանեանը, «Միասնական Հայրենիք» խմբակցութիւնը՝ Սամուէլ Անդրանիկի Պապայեանը:

«Միասնական Հայրենիք» խմբակցութեան կողմէ Սամուէլ Անդրանիկի Պապայեանին Հանրապետութեան նախագահի թեկնածու առաջադրելու դիմումը և անոր կից ներկայացուած փաստաթղթերը վերադարձուած են ՝վերջին տասը տարիներուն միայն Արցախի Հանրապետութեան քաղաքացի հանդիսանալու, վերջին տասը տարիներուն Արցախի Հանրապետութեան մէջ մշտապէս բնակելու մասին տեղեկանքը չներկայացնելու պատճառով:

«Ազգային ժողովի կանոնակարգ» օրէնքի 149.1-ին յօդոպածի 3-րդ և 4-րդ մասերուն համաձայն 9 Սեպտեմբեր 2023-ին՝ ժամը 11:00-ին, իրաւունքի ուժով կը գումարուի Ազգային ժողովի յատուկ նիստ՝ Հանրապետութեան նախագահի ընտրութեան հարցով»:

2023 թուականի Մարտին Արցախի Ազգային ժողովը ընդունած էր Սահմանադրութեան փոփոխութիււններու նախագիծ, որուն համաձայն՝ խորհրդարանը իրաւունք կը ստանար ռազմական դրութեան պարագային ընտրել երկրի նախագահը։