«Սօս Սարգսեան» հիմնադրամին, Համազգային հայ կրթական եւ մշակութային միութեան, «Առաջին հիփոթեքային ընկերութեան» հովանաւորութեամբ, Երեւանի «Լուսակն» հրատարակչութենէն լոյս ընծայուեցաւ Խորհրդային Միութեան ժողովրդական արուեստագէտ Սօս Սարգսեանի նուիրուած «Նահապետ» ժողովածուն:
Գիրքը կազմեց եւ խմբագրեց Հայաստանի մշակոյթի վաստակաւոր գործիչ Սերգէյ Առաքելեան:
«Նահապետ»-ը կը բովանդակէ Սօս Սարգսեանի մասին հայ եւ օտար անուանի գործիչներու, արուեստագէտներու, լրագրողներու վերլուծական յօդուածներ, կարծիքներ, հարցազրոյցներ, վաւերագիրներ եւ այլն: