1.- Տապկոցի ձէթին դգալ մը քացախ աւելցնել, որպէսզի ձէթին ներծծումը նուազի։

2.- 2 ա. դգալ շաքար աւելցնել պանիրին մէջ, որպէսզի չմգլոտի։

3.- Բրինձը ձիւնասպիտակ ըլլալու համար քանի մը կաթիլ կիտրոնի հիւթ աւելցնել անոր մէջ, իսկ լաւ չեփելու պարագային ջուր չաւելցնել, այլ զայն փայլաթիթեղով ծածկել եւ մարմանդ կրակի վրայ եփել։

4.- Հաւը եփելէն մէկ ժամ առաջ քացախի մէջ պահել, որպէսզի դիւրութեամբ եփի։

5.- Սմբուկին վրայ ալիւր ցանել տապկուելէն առաջ, որպէսզի քիչ քանակութեամբ ձէթ ծծէ։

7.- Կարկանդակին մակերեսը այրելու պարագային քերթել զայն, վրան փոշի շաքար ցանել եւ կրկին փուռ վերադարձնել։

8.- Կիտրոնէն առատ հիւթ ստանալու համար զայն տաք ջուրի մէջ պահել, մօտաւորապէս կէս ժամ։

2 1/2 գաւաթ ալիւր

2 1/2 թ. դգալ B.P.

1/2 թ. դգալ աղ

1/2 գաւաթ կարագ

1 1/2 գաւաթ փոշի շաքար

3 հաւկիթ

1 թ. դգալ վանիլ

1 գաւաթ կաթ

1/4 գաւաթ գագաու (cocoa)

2 ա. դգալ կաթ

1.- Փուռը 180 ջերմաստիճան տաքցնել եւ կաղապարը իւղով պատել։

2.- Խորունկ ամանի մը մէջ չոր նիւթերը խառնել (ալիւրը, B.P.-ն ու աղը)։

3.- Ուրիշ ամանի մը մէջ կարագն ու շաքարը հարել, մինչեւ որ քրէմի վերածուին։ Յետոյ մէկիկ-մէկիկ աւելցնել հաւկիթները, ապա՝ վանիլը։

4.- Բոլոր նիւթերը լաւապէս խառնել իրարու։

5.- Խառնուրդը երկու հաւասար մասերու բաժնել։

6.- Առաջին կէսը սպիտակ պահել, երկրորդ կէսին աւելցնել կաթն ու գագաուն եւ լաւապէս խառնել։

7.- Կաղապարին կեդրոնէն փոխնի փոխ սկսիլ լեցնել իւրաքանչիւր խառնուրդէն դգալ մը, մինչեւ որ ամբողջութեամբ սպառի։

8.- Նախապէս տաքցած փուռին մէջ եփել զայն 30-35 վայրկեան։

9.- Հալած տուրմով զարդարելէ ետք սպասարկել։