«Թիրախաւորելով հայ դատի պաշտպանները, ովքեր կը գործեն Սփիւռքի մէջ յօգուտ Հայաստանի եւ Արցախի՝ Հայաստանի կառավարութիւնը կը պաշտպանէ Անգարայի եւ Պաքուի շահերը: Այս անջրպետը ստեղծելով Սփիւռքի եւ Հայաստանի միջեւ՝ Փաշինեան կը թուլացնէ Սփիւռքն ու Հայաստանը: Մենք այսօր գիտենք, որ Հայաստանի առնչուող Փաշինեանի ծրագիրները կը թուլցնեն երկիրը՝ զայն թրքական վերահսկողութեան տակ դնելով: Փաշինեան համաձայնած է նաեւ Արցախը զիջիլ Ատրպէյճանին: Այս պարունակին մէջ է, որ ան որոշեց պատերազմ մղել Սփիւռքի դէմ, որ նուիրուած է հայկական դատի, Հայաստանի եւ Արցախի պաշտպանութեան: Փաշինեանի հետ մենք լրիւ հակառակ պատկերացումներ ունինք հայ ազգի ապագային մասին», «Հրապարակ»ի հետ զրոյցի ընթացքին ըսաւ ֆրանսահայ կազմակերպութիւններու համակարգող, ՀՅԴ Բիւրոյի անդամ Մուրատ Փափազեան: