Ի պատասխան Բերձորի միջանցքի անմարդկային շրջափակման, ամերիկահայ համայնքի հարիւրաւոր անդամներ եւ անոնց համախոհները Լոս Անճըլըսի մէջ ԱՄՆ Դաշնային շէնքէն երթով ուղղուեցան դէպի Ատրպէյճանի հիւպատոսութիւն եւ արգելափակեցին Ուիլշըր պողոտան։ Ժամանելով Ատրպէյճանի հիւպատոսութիւն՝ ամբոխը շարունակած է ամբողջութեամբ փակել Սեպուլուետայի մօտ գտնուող Ուիլշըր պողոտան՝ խորհրդանշական ձեւով արգելափակելով մուտքը դէպի ատրպէյճանական հիւպատոսութիւն, ճիշդ այնպէս, ինչպէս Ատրպէյճան մօտաւորապէս 50 օր շրջափակած է Արցախը արտաքին աշխարհին կապող միակ ճանապարհը։
12 Դեկտեմբեր 2022_էն ի Ատրպէյճան շրջափակման ենթարկած է Արցախի տարածաշրջանի 120 հազար հայ մնացած աշխարհէն։ Ատիկա 30,000 երեխայ ձգած է բանտարկուած սեփական տուներու մէջ՝ առանց սնունդի կամ ջերմութեան՝ դաժան ձմրան կիսուն:
2020_ին համաշխարհային համաճարակի ընթացքին Ատրպէյճանի կողմէն հայ ժողովուրդի դէմ իրականացուած յարձակումէն վերջ բռնատիրական վարչակարգը կրկին համարձակած է հայերը ցեղապէս մաքրելու իրենց բնիկ հայրենիքէն։ Արցախի շրջափակումը, որ համահունչ է նախագահ Իլհամ Ալիեւի իսկ խօսքերուն, փորձ է բնաջնջել հայերը տարածաշրջանէն՝ յանուն քարիւղի շահոյթի եւ փանթրքական ցեղասպանական օրակարգին։
Այս երթով ամերիկահայ համայնքը եւ անոնց դաշնակիցները պահանջեցին ԱՄՆ կառավարութենէն, յատկապէս Լոս Անճըլըսի քաղաքապետ Կարէն Պասէն եւ Քալիֆորնիոյ նահանգապետ Կեւին Նիւսոմէն, ճնշում գործադրած է Պայտընի վարչակազմին վրայ՝ շօշափելի քայլեր ձեռնարկելու Արցախի շրջափակման վերջ տալու համար։ Այս պահանջները գրուած եւ փոխանցուած են քաղաքապետ Պասին, ինչպէս նաեւ նահանգապետ Նիւսոմին:
ԱՄՆ Արեւմտեան Շրջանի Հայ Երիտասարդաց Դաշնակցութիւնը կրկին կոչ ուղղած է բոլոր համայնքներուն հանդէս գալու հակահայկական բռնութեան, յամառ ցեղասպանական մտադրութիւններու եւ ապօրինի գաղութացումին դէմ՝ միանալով մեզի արդարութեան համար մեր պայքարին: Կազմակերպութիւնը կոչ ուղղած է համայնքի բոլոր անդամներուն դատապարտելու Արցախի բնիկ հայերու դէմ Ատրպէյճանի վերջին յարձակումը եւ ԱՄՆ-ի մէջ մեր իսկ ընտրուած պաշտօնեաներէն պահանջած է դատապարտել Ատրպէյճանի կողմէն հրադադարի կրկնակի խախտումները եւ գործադրել դիւանագիտական բոլոր ջանքերը՝ կանխելու ատրպէյճանական ահաբեկչութեան եւ մարդու իրաւունքներու ոտնայարման հերթական դրսեւորումները։
Հանրահաւաքին ելոյթներով հանդէս եկան համայնքի քաղաքական գործիչներ, հոգեւորականներ, ՀԵԴ եւ Ամերիկայի Հայ Դատի Յանձնախումբի ներկայացուցիչներ:
1933 թուականին հիմնադրուած Հայ Երիտասարդների Դաշնակցութիւնը (AYF/ՀԵԴ) ամենամեծ եւ ամենաազդեցիկ հայ-ամերիկեան երիտասարդական կազմակերպութիւնն է: Ունենալով մասնաճիւղեր Միացեալ Նահանգներու մէջ եւ յարակից կազմակերպութիւններ ամբողջ աշխարհի մէջ՝ AYF-ն աշխուժօրէն կը ձգտի բարձր պահել ամերիկահայ երիտասարդներու ընկերային, քաղաքական, կրթական եւ մշակութային իրազեկութեան սահմանները: