«Արմէնփրէս».- Greek City Times-ը կը տեղեկացնէ, որ Կիպրոսի մէջ փոքր այգի տնկուած է Արցախի դէմ Թուրքիոյ հովանաւորութեամբ Ատրպէյճանին սանձազերծած պատերազմին հետեւանքով զոհուած հայերու յիշատակին:
Նախաձեռնութեան հեղինակները կիպրական «Սօլիտարութիւն Շարժում» կուսակցութեան անդամներն են` կուսակցութեան ղեկավար Էլենի Թէոխարիուսի գլխաւորութեամբ, ինչպէս նաեւ Սթրովոլոսի քաղաքապետ Անդրէաս Փափաչարալամպուսը: Այգիին մէջ ծառեր տնկելու մասնակցած են նաեւ Կիպրոսի հայկական համայնքի անդամները:
Արարողութեան մասին Եւրոխորհրդարանի նախկին պատգամաւոր Թէոխարիուսը հայերէն գրառում կատարած է թուիթերեան իր միքրոպլոկին մէջ: