Սուրիոյ նախագահ Պաշշար ալ Ասատ ընդունեց Ռուսիոյ փոխվարչապետ Իւրի Պորէսովը եւ իրեն ընկերակցող պատուիրակութիւնը:
Հանդիպումին ընթացքին կողմերը խորհրդակցեցան բարեկամ երկու երկիրներուն միջեւ տնտեսական գործակցութեան զարգացման եւ յարաբերութիւններու ամրապնդման շուրջ:
Ասատ եւ Պորէսով պատրաստակամութիւն յայտնեցին նպաստելու ռուս-սուրիական տնտեսական միացեալ յանձնախումբին որոշումներուն մինչեւ տարեվերջ գործադրութեան:
Հանդիպումին Սուրիոյ կողմէ ներկայ գտնուեցան Սուրիոյ արտաքին գործոց նախարար Ուալիտ Մուալլէմ եւ անոր օգնական Այման Սաուսան, Սուրիոյ Նախագահութեան Գործադիր Մարմնի պատասխանատու Մանսուր Ազզամ, հանքային հարստութեան նախարար Ալի Ղանէմ, վարչապետի քարտուղար Քայս Խըտըր, իսկ Ռուսիոյ կողմէն նեկայ գտնուեցան Ռուսիոյ արտաքին գործոց փոխնախարար Միքայէլ Պոկտանովն ու Դամասկոսի մէջ Ռուսիոյ դեսպանը: