ԱՀ համապետական ընտրութիւններու կեդրոնը յայտրարութիւն տարածած է.
«Յարգելի՛ հայրենակիցներ,
հաշուի առնելով ԱՀ տարածքում պսակաձեւ ժահրի տարածման հնարաւոր վտանգը, մտահոգուած լինելով մեր քաղաքացիների առողջութեամբ` Հայ Յեղափոխական Դաշնակցութեան նախընտրական շտապը որոշում է կայացրել ժամանակաւորապէս դադարեցնել փակ տարածքներում ընտրողների հետ հանդիպումները:
Մենք կը շարունակենք կուսակցութեան նախընտրական ծրագիրն ու տեսակէտները ներկայացնել բացօթեայ փոքրաթիւ հանդիպումների, հեռուստատեսութեան, ռատիօյի, տպագիր եւ էլեկտրոնային լրատուամիջոցների, ինչպէս նաեւ ընկերային մետիայի միջոցով:
