Չորեքշաբթի, 9 Դեկտեմբեր 2020-ին, ՍԱՆԱ հաղորդեց, որ երկրչփ. Մութազ ապու Նասր Ճըմրան երդում կատարեց Սուրիոյ նախագահ Պաշշար ալ Ասատին դիմաց, Դամասկոսի արուարձանի նահանգապետ նշանակուելուն առիթով։ Երդման արարողութենէն ետք, նախագահ Ասատ ընդունեց զայն եւ կարգ մը թելադրանքներ տուաւ անոր։

Յիշենք, որ նախագահ Ասատ 3 Դեկտեմբերին հրապարակեց 2020-ի 326 թուակիր հրամանագիրը, ըստ որուն Մութազ ապու Նասր Ճմրան Դամասկոսի արուարձանի նահանգապետ նշանակուեցաւ։