«Արմէնփրէս».- Ատրպէյճանի նախագահ Իլհամ Ալիեւ յայտարարած է, որ ԵԱՀԿ Մինսքի խումբի համանախագահներուն չէ հրաւիրած Պաքու: ԵԱՀԿ Մինսքի խումբի համանախագահները տարածաշրջանային այցելութեամբ 12 Դեկտեմբերին ժամանած են Պաքու: Անոնց ընդունած է Ալիեւը:
ԵԱՀԿ Մինսքի խումբի ամերիկացի եւ ֆրանսացի համանախագահներ Էնտրիւ Շոֆերին ու Ստեֆան Վիսքոնթիին ըսած է, որ ԵԱՀԿ Մինսքի խումբը որեւէ դերակատարութիւն չէ ունեցած Լեռնային Ղարաբաղի հակամարտութեան կարգաւորման հարցին մէջ:
ԵԱՀԿ Մինսքի խումբի համանախագահներ Սթեֆան Վիսքոնթի (Ֆրանսա), Էնտրիւ Շոֆեր (ԱՄՆ) եւ ԵԱՀԿ գործող նախագահի անձնական ներկայացուցիչ Անժէյ Քասպրչիք Երեւան պիտի ժամանեն 13 Դեկտեմբերին:
Ռուսիան ներկայացնող համանախագահին` Պաքու չժամանելու պատճառը յայտնի չէ:
