«Երկիր».-ՀՅԴ Արցախի Երիտասարդական Միութիւնը 23 Փետրուարին, այցելած է Ասկերանի հրասայլ-յուշարձան եւ հոն տեղակայած է Արցախի Հանրապետութեան դրօշը:
Երիտասարդները ծաղիկներ զետեղած են հրասայլ-յուշարձանին՝ ի յիշատակ հայրենիքի պաշտպանութեան համար նահատակուած կամաւորներուն եւ զինուորներուն:
Երիտասարդները սահմանագիծի մէջ յայտնուած հրասայլ-յուշարձանի տարածքէն մօտակայ հայկական եւ ատրպէյճանական յենակէտերը դիտարկելէն վերջ կատարած են տարածքի մաքրումի եւ բարեկարգումի աշխատանքներ:
ՀՅԴ ԱԵՄ-ի անդամները հանրութեան կոչ ուղղած են մաքուր պահելու եւ խնամքով վերաբերելու յաղթանակը խորհրդանշող մեր նշանաբաններուն նկատմամբ:
Երիտասարդները այցելած են նաեւ հայ սահմանապահներուն, միասին հաց բանեկցած են, զրուցած եւ ծանօթացած են զինուորներու առօրեային: