«Երկիր».-ԵԱՀԿ Մինսքի խումբի համանախագահները իրենց յայտարարութեան մէջ ողջունած են Ատրպէյճանի կողմէ հայ ռազմագերիներու ազատ արձակումը եւ կոչ ուղղած են երկու կողմերուն ամբողջութեամբ եւ արագ աւարտելու բոլոր գերիներուն, կալանաւորուածներուն եւ մահացածներուն մասունքներուն փոխանակումը, ինչպէս նաեւ պահուած անձերու նկատմամբ մարդկային վերաբերմունք ապահովելու իրենց պարտաւորութիւնները կատարելու:
Անդրադառնալով 13 Ապրիլի իրենց յայտարարութեան` համանախագահները կողմերը յորդորած են փոխանակելու հակամարտութեան շրջաններու արդիւնաւէտ ականազերծման եւ Լեռնային Ղարաբաղ մուտքի սահմանափակումները վերացնելու համար անհրաժեշտ բոլոր տուեալները` միջազգային մարդասիրական կազմակերպութիւններու ներկայացուցիչներուն համար: Համանախագահները կողմերուն կոչ ուղղած են ձեռնարկելու որոշակի քայլեր `ստեղծելու փոխվստահութեան մթնոլորտ, որ կը նպաստէ կայուն խաղաղութեան` լուծելով մնացած խնդրայարոյց ոլորտները: Հնարաւորութեան պարագային, համանախագահներու հովանիին տակ բարձր մակարդակի քաղաքական երկխօսութեան վերսկսումը կը ներառէ: