1
Հացաբոյսի
ծաղկաբոյլն այս աժան
քիչ է միշտ
2
Հալէպի ցուրտ փուռերու
խիտ թափօրին
յուլօրէն հասնող
տագնապահար թթխմոր
3
Ո՜վ հաց հոն կա՛ց
որ գոլորշայեղց անունդ
հեգեմ հանապազորդ
քիստ առ քիստ
4
չտեղացող մանանան ես
լափողի կլափն ի վար
աղքատի ճաշկերոյթին
յապաղած
5
եկո՛ւր միասին հեկեկանք
ո՜վ համով հանելուկ
դատարկ ստամոքսի
թմբկահար
քարանձաւի նօթութեան
քաղցր նշոյլ
6
սակրը կռնակէն
հապշտապ խրուած
ձեռձէ ձեռք յափշտակուող
սին ասուի
7
քնջութ կիներու
սեւ հաջաղներէն բուրող
թուխ ալիւրի
մեղմ լալիւն
8
եւ փուռէն մինչեւ տուն
բռունցքիս մէջ
պատառը եթիմ
դժուարամատչ հացա
բոյսի
ծաղկաբոյլս իմ
Յարվարդ