Ձմերուկը ոչ միայն համեղ, այլեւ օգտակար պտուղ մըն է: Ան գրեթէ (90 տոկոսով) ջուրէ բաղկացած է: Այս պատճառով ալ մեր ծարաւը կը յագեցնէ: Անիկա կը պարունակէ մեծ քանակով ածխաջուրեր: Հարուստ է A, B եւ C կենսանիւթերով եւ հանքային նիւթերով, ինչպէս՝ մակնիզիումը, որ օգտակար է ոսկորներու ամրութեան:

Ձմերուկին կուտերն ալ նոյնքան սննդարար են, որովհետեւ անոնք կը պարունակեն ֆոսֆոր, մակնիզիում եւ կենսանիւթեր: Նախընտրելի է կուտերը ուտել չորցուած կամ խարկուած ձեւով:

Ձմերուկի հիւթը մեր ցաւերը կը մեղմացնէ, իսկ կեղեւը ունի օգտակար յատկութիւններ: Թարմ ձմերուկի կեղեւը լաւ միջոց է գլխացաւերուն դէմ: Չորցուած կեղեւէն ալ կարելի է պատրաստել տարբեր հեղուկներ, որոնք կրնան բուժել միզային բորբոքումները:

Ձմերուկը կ’արգիլէ առողջութեան դէմ կործանարար գործընթացը: Անիկա դրական ազդեցութիւն  ունի նաեւ սիրտի մկանին վրայ, որովհետեւ կը լայնցնէ արիւնատար երակները:

Ֆիզիքական ծանրաբեռնուածութենէ ետք ան կը նպաստէ մեր գործարաններուն վերականգնումին, որ օգտակար է մարզիկներուն: Անիկա մեր առողջութիւնը ամրապնդող բնական միջոցներէն մէկն է:

Ձմերուկի վնասակար յատկութիւններէն մէկը այն է, որ եթէ սպառենք զայն անսահմանափակ չափով մեր երիկամները կը ծանրաբեռնուին: Շաքարի մեծ քանակը դուրս բերելու համար մեր գործարանները բաւական ջուր կը սպառեն: Այդ պարագային ջուրին հետ դուրս կու գան մեծ թիւով հանքանիւթեր, քան՝ թունաւոր նիւթեր:

Բժիշկները չեն թելադրեր ձմերուկ ուտել երիկամային հարցեր ունեցող հիւանդներուն, ենթաստամոքսային գեղձի բորբոքում եւ շագանակագեղձի խնդիրներ ունեցող մարդոց:

4 գաւաթ ձմերուկի հիւթ

3 գաւաթ սառոյց

4 ճաշի դգալ կիտրոնի հիւթ

Շաքար՝ ըստ ճաշակի

Ձմերուկը, սառոյցը, շաքարն ու կիտրոնի հիւթը միասնաբար հարել այնքան մինչեւ որ ունենանք թանձր հիւթ մը: Պարպել զայն գեղեցիկ ոտքով գաւաթի մը մէջ եւ զարդարել որեւէ կանաչ պտուղով կամ անանուխի տերեւով:

-Բախտ կայ փորձանք կը բերէ, փորձանք կայ՝ բախտ կը բերէ:

-Բանուկ ձեռքը չի մուրար:

-Բարիքները վայելած ատեն, բարերարը մի՛ մոռնար:

-Բաղնիք մտնողը կը քրտնի:

-Բերնէ բերան՝ կ’ըլլայ գերան:

-Բարկացկոտը սուր կը նայի, կասկածոտը՝ ծուռ:

-Բարձր ձայնը եթէ բանի ծառայեր, էշը պալատներու տէր կը դառնար:

-Բանալիիդ տէր եղի՛ր, դրացիդ գող մի՛ հաներ:

-Բեռը՝ շալկողին կռնակը կը դնեն: