Նորաձեւութիւնը այս շրջանին վառ գոյներով եւ այլազան կտորներու առատութեամբ յատկանշուած է: Այս բոլորին համադրումով կարելի է ոճային շքեղ կերպար մը ստանալ:

 2022-ի գլխաւոր նորոյթներն են.- վառ մանիշակագոյնը, նարնջագոյնն ու վառ դեղինը:

Իսկ փայլիկներ կամ բայէթ կտորները  այս եղանակի շողշողուն տարրերն են:

Արդիական են կարմիր-կանաչ փայլիկներով հագուստները, իսկ նուրբ վարդագոյնն ու կապոյտը աչքառու կը համարուին երեկոյեան տաբատ-շապիկներու կամ ամէնօրեայ կիսաշրջազգեստներու համար:

Խորքին մէջ դժուար է պատկերացնել պահարան մը առանց ոճային տաբատի:

Զանազան գոյներով եւ ձեւերով լայն ու երկար տաբատները այս եղանակի ամէնէն շատ պահանջուածներն են:

Գ) Ցած գօտի. Ցած գօտիով տաբատները մոռցուած կը թուէին ըլլալ, սակայն 2022 -ի այս շրջանի վերջին նորոյթը ցած գօտիներով տաբատներն ու ճինզերն են:

Դասական տարբերակ մըն է, որ յատկապէս նորոյթ կը համարուի ամրան այս եղանակին:

Թեթեւ, ճերմակ շրջազգեստները իգական սեռին կանացիութիւն կը հաղորդեն:

2022-ի նորաձեւութեան մէջ մեծ տեղ կը գրաւեն թափանցիկ կտորները:

Այս տարի տարածուած են բարձր կրունկներով կօշիկները եւ ամառնային բաց մուճակները:

Ուսի թեւնոցը կամ bicep bracelet -ը նոյնպէս 2000-ական թուականէն կը վերադառնայ այս տարի ու նորաձեւ զարդեղէն կը համարուի: Կրնաք կրել զայն ձեր թեւին վրայ:

Այս տարի տարածուած է  սողուններու մաշկը, մանաւանդ եթէ բնական է:

2022-ի նորաձեւութեան միտումները կը ներառեն նաեւ թափանցիկ կօշիկներ: Անոնք շատ յարմարաւէտ են, որովհետեւ կը համադրուին այլազան հագուստներու հետ:

Քառակուսի կօշիկները 2022-ին չեն կորսնցներ իրենց արդիականութիւնը. քառակուսի կօշիկներու կամ մուճակներու մէջ խնամուած ոտնաթաթերը գեղեցիկ տեսք կ’ունենան: