Արցախի Հանրապետութեան/Լեռնային Ղարաբաղի Հանրապետութեան/ Ստեփանակերտի Մեսրոպ Մաշտոց Համալսարանի պետ (ռեկտոր), Բնութեան և հասարակութեան սլաւոնական ակադեմիայի պատուաւոր դոկտոր,Վիեննայի միջազգային համալսարանի պատուաւոր փրոֆեսոր, Եւրոպայի համալսարանապետների (ռեկտորների) ակումբի անդամ Դոնարա Գաբրիէլեանի, պրոֆեսորադասախօսական կազմի և ուսանողական խորհրդի համատեղ յայտարարութիւնն՝ ուղղուած ՀՀ և արտերկրի բուհերին
Հրատապ աջակցութեան խնդրանքով դիմում և ահազանգում ենք Արցախի Հանրապետութիւնում ապրող 120.000 ժողովրդի անունից, որից տասնեակ հազարաւորներն աշակերտներ և ուսանողներ են:
2022 թ. Դեկտեմբերի 12-ից մինչ օրս Ատրպէյճանն ապօրինի արգելափակել է Արցախի Հանրապետութիւնը Հայաստանի Հանրապետութեանը և արտաքին աշխարհի հետ կապող միակ հաղորդակցային ճանապարհը (Լաչինի միջանցքը)՝ Արցախը ենթարկելով լիակատար շրջափակման:
Շրջափակման հիմքում դնելով բնապահպանական կեղծ նարատիւներ՝ Ատրպէյճանն իրականացնում է պետականօրէն համակարգուած համալիր գործողութիւնների շարունակական ծրագիր. Արցախի ժողովրդի դէմ կիրառւում է քաղաքական, տնտեսական, էներկետիկ, հոգեբանական, տեղեկատուական ահաբեկչութեան բազմաշերտ գործիքակազմ:
-Ատրպէյճանի նպատակն է սողացող էթնիկ զտումների քաղաքականութեան վերջնարդիւնքում ունենալ «Արցախն առանց հայերի»:
-Ատրպէյճանը կոպտօրէն խախտում է միջազգային իրաւունքի սկզբունքները:
-Ատրպէյճանի հարուցած մարդկային աղէտի հետևանքով խախտուած է նաև Արցախի Հանրապետութեան հազարաւոր աշակերտների և ուսանողների կրթութեան իրաւունքը:
Կոչ ենք անում բուհերին հետեւեալ պահանջներով դիմելու սեփական երկրների կառավարութիւններին.
-գործնական ճնշումներ կիրառել Ատրպէյճանի դէմ՝ վերացնելու Լաչինի միջանցքի արգելափակումը և Արցախի Հանրապետութեան լիակատար շրջափակումը,
-Արցախի Հանրապետութեան դէմ Ատրպէյճանի ահաբեկչական գործողութիւնները զսպելու և կանխարգելու նպատակով անյապաղ կիրառել պատժի գործիքակազմ,
-չնպաստել Ատրպէյճանի անպատժելիութեանը, մեղսակիցը չդառնալ անպատժելիութեան օրինականացմանը,
-մարդու իրաւունքները չստորադասել աշխարհաքաղաքական և աշխարհատնտեսական շահերին,
-յարգել Արցախի ժողովրդի ինքնորոշման իրաւունքը՝ որպէս նրա փրկութեան կենսական միջոց:
ՄԵՍՐՈՊ ՄԱՇՏՈՑ ՀԱՄԱԼՍԱՐԱՆ,
ԱՐՑԱԽԻ ՀԱՆՐԱՊԵՏՈՒԹԻՒՆ/ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹԻՒՆ/
1.02.2023