Իրաքի Հանրապետութենէն մարդասիրական օգնութիւններով բեռցուած երկու օդանաւեր Դամասկոսի Միջազգային Օդակայան հասան, որպէսզի տրամադրուին Սուրիան ցնցած երկրաշարժէն վնասուածներուն։
Օժանդակութիւնները կ՚ընդգրկեն 70 թոն սննդեղէն, բժշկական պիտոյք, վերմակներ եւ այլն։
Իրաքի ԱԳՆ-ի մէջ արաբական բաժինի տնօրէնութեան նախագահը ՍԱՆԱ-ին յայտնեց Սուրիոյ նեցուկ կանգնելու Իրաքի պատրաստակամութիւնը, վստահեցնելով, որ Սուրիան պիտի յաղթահարէ այս աղէտը։