Անցեալ շաբթուան ընթացքին Սուրիոյ Մարզական Գերագոյն Կոմիտէն նշանակեց Հալէպի Ահլի, Ճալաա եւ Հուրիէ ակումբներու վարչութիւնները: Ահլի ակումբի նախագահութիւնը վստահուեցաւ Ռուսէյն Մարթինիին, Ճալաաի վարչութեան ատենապետ դարձաւ Պաշշար Ազարը, իսկ Հուրիէի ատենապետ՝ Անթուան Շարքին:

Հինգշաբթի օր Մոնաքոյի մէջ տեղի ունեցաւ ֆութպոլի եւրոպական Չեմփիընզ Լիկի խմբային փուլի մրցաշարքի վիճակաձգումը։ Մասնակցութեան իրաւունք ունեցող 32 խումբերը բաժնուեցան ութ խմբակներու: Վիճակաձգումին արդիւնքը հետեւեալը եղաւ.

Ա խմբակ. Պրիսիա Տորթմոնտ, Մանչեսթըր Իւնայթըտ, Քոփենհակէն, Կալաթասարայ,

Բ խմբակ. Սեւիլիա, Արսենալ, Էնտհովէն, Լանս,

Գ խմբակ. Նափոլի, Ռէալ Մատրիտ, Փրակ, Ունիըն Պերլին,

Դ խմբակ. Պենֆիկա, Ինթէր, Զալցպուրկ, Ռէալ Սոսիտատ,

Ե խմբակ. Ֆէյէնորդ, Աթլեթիքօ Մատրիտ, Լացիօ, Սելթիկ,

Զ խմբակ. Փարիզ Սան Ժերման, Պորուսիա Տորթմոնտ, Միլան, Նիւքասլ Իւնայթըտ,

Է խմբակ. Մանչեսթըր Սիթի, Լայպցիկ, Ցրվենա Զվեզդա, Եանկ Պոյզ,

Ը խմբակ. Պարսելոնա, Պորտօ, Շախտար Տոնեցկ, Անտվերպէն:

Առաջին փուլի մրցումները տեղի պիտի  ունենան 19 եւ 20 Սեպտեմբերին:

Անգլիոյ ախոյեան, գաւաթակիր, Չեմփիընզ Լիկի գաւաթակիր, Եւրոպայի սուփըր գաւաթակիր Մանչեսթըր Սիթիի նորուէյճցի յարձակող Էրլինկ Հալատ 2022-2023 տարեշրջանի մրցաշրջանի արդիւնքին համաձայն ճանչցուեցաւ  ՈՒԷՖԱ-ի լաւագոյն ֆութպոլիստը: Մրցանակին Հալանտ մրցակից ունեցաւ նաեւ Մանչեսթըր Սիթիի պելճիքացի կիսապաշտպան Քէվին տէ  Պէրուինը եւ Ֆրանսայի ախոյեան Փարիզ Սան Ժերմանի ամերիկեան Ինթէր Միամի տեղափոխուած աշխարհի ախոյեան, Արժանթինի հաւաքականի յարձակող Լիոնէլ Մեսսին:

Անգլիոյ ախոյեան, գաւաթակիր, Չեմփիընզ Լիկի գաւաթակիր, Եւրոպայի սուփըր գաւաթակիր Մանչեսթըր Սիթիի գլխաւոր մարզիչ Խոսէփ Կուարտիոլա 2022-2023 տարեշրջանի մրցաշրջանին արձանագրած նուաճումներուն շնորհիւ  ճանչցուեցաւ տարուան լաւագոյն մարզիչը: Մրցանակին մաս կազմեցին  նաեւ Իտալիոյ ախոյեան, Նափոլիի իտալացի գլխաւոր մարզիչ Լուչիանօ Սպալէտին ու Իտալիոյ գաւաթակիր եւ սուփըր գաւաթակիր Միլանի Ինթէրի իտալացի գլխաւոր մարզիչ Սիմոնէ Ինզակին: