«Արմէնփրէս».- Երևան-Սեւան-Իջեւան- Ատրպէյճանի սահման միջպետական ճամբուն միջին նորոգութեան աշխատանքները սկսած են որոշ հատուածներու մէջ: Ճամբուն նորոգութեան աշխատանքներուն անձամբ կը հետեւի «Հայաւթոճան» ընկերութեան գլխաւոր տնօրէնի պաշտօնակատար Գոռ Աւետիսեան:
ՀՀ Տարածքային Կառավարման և
Ենթակառոյցներու Նախարարութեան հասարակայնութեան հետ կապերու բաժինէն «Արմէնփրէս»ին տեղեկացուցած են, որ նորոգութեան նպատակն է կուպրապատել եւ հարթ դարձնել ճամբան:
Անվտանգ երթևեկութիւն ապահովելու նպատակով՝ նորոգման տեղամասերուն վրայ զետեղուած են համապատասխան ճանապարհային նշաններ: Նախարարութեան մամլոյ ներկայացուցիչը երթեւեկութեան առժամեայ խանգարումին համար վարորդներուն ներողամտութիւնը հայցած է եւ յորդորած պահպանել երթեւեկութեան կանոնները: