«Էրմէնիհապեր».-Թուրքիոյ նախագահ Էրտողան հարցազրոյց տուած է պետական «TRT» հեռուստաընկերութեան: Ան անդրադարձած է ԱՄՆ նախագահ Պայտընի հետ 14 Յունիսին տեղի ունենալիք հանդիպումին եւ արցախեան հիմնահարցին: Ըսած է, որ Պայտընի հետ հանդիպումին անոր պիտի հարցնէ թուրք-ամերիկեան յարաբերութիւններու լարուածութեան պատճառը:
Ըստ Էրտողանի, Պայտընէն առաջ իրենք աշխատած են թէ՛ ժողովրդավարական եւ թէ հանրապետական կուսակցութիւնները ներկայացնող նախագահներուն հետ, որոնցմէ ոչ մէկուն օրօք 2 երկիրներու միջեւ նման լարուածութիւն եղած է: Պայտընին նախորդողներու օրօք դժուարութիւններ չեն եղած նաեւ հանդիպումներու կազմակերպման մէջ:
Նշելով, որ երկու երկիրներու լարուածութեան խորացման պատճառը Հայոց Ցեղասպանութեան հարցն է` Էրտողան հետեւեալ շեշտած է. «Արդէն զզուած ենք` սպասելով, թէ ամէն տարի 24 Ապրիլին ԱՄՆ-ն հայերու մասին ինչ կ’ըսէ: Լաւ, բան ու գործդ վերջացուցած ես ու հայերու փաստաբանութիւնը՞ պիտի ընես: Ձգենք այդ գործը պատմաբանները ընեն: Սա քաղաքական գործիչներու գործը չէ, թող պատմաբանները, իրաւագէտները, մարդաբանները աշխատին, որմէ ետք մեր առջեւ դրուած արդիւնքին մասին մենք ալ, որպէս քաղաքական գործիչներ, ընենք մեզ վիճակուածը: Սակայն այս պահուն, երբ որեւէ բան տակաւին չկայ, բռնած ու հարցը օրակարգ բերած էք»:
Թուրքիոյ նախագահը, այնուհետեւ անդրադառնալով արցախեան հիմնախնդրին, հետեւեալ պնդումներն ըրած է. «Տարիներ շարունակ Մինսքի եռեակը` ԱՄՆ-ն, Ռուսիան եւ Ֆրանսան, Հայաստան-Ատրպէյճան հարցը չկրցան լուծել: Տարիներ անց, ի վերջոյ, Ատրպէյճան ինքն իր խնդիրը լուծեց (բառացի` ինքն իր պորտը կտրեց): Հիմա այստեղ ընդհանրապէս որեւէ կապ չունեցող Թուրքիան ինչպէ՞ս այդ հարցի մէջ կը դնէք : Եթէ ինչ-որ բան ունիք ըսելու, ինչ-որ բան կայ, որ կ’ուզէք ընել, եկէք, որպէս ՆԱԹՕ-ի մէջ ձեր դաշնակից ու գործընկեր, ըսէք` այսինչ բանը կ’ուզենք ընել, այնինչ բանը կ’ուզենք ընել եւ մենք կը խօսինք: Բայց նման բան չկայ: Միանգամէն մեկնելով եւ մեր առջեւ կը դնես այսպէս կոչուած ցեղասպանութեան հարցն ու քու ուզած որոշում կ’ընդունիս: Քեզ նախորդած ԱՄՆ ղեկավարները, ի՞նչ է, քեզի չափ չէին կը հասկանաս գործէն: Անոնցմէ ոչ մէկը այդ արտայայտութիւնը չէ կատարած, մէկ մասը «Մեծ Եղեռն» ըսած է, մէկ մասն ալ` շատ այլ տարբեր բաներ, բայց ոչ երբեք այդ եզրոյթը»:
Լրագրողի ճշդող հարցումին, թէ արդեօք «Ցեղասպանութիւն» եզրոյթի կիրառումը կը բխի այլ պատճառներէն, Էրտողանը հետեւեալ ձեւով պատասխանած է.
«Մենք այդ ամէնուն արդէն վարժուած ենք, միշտ նման բանէր կ’ընեն: Թուրքիան գաճաճ պետութիւն չէ, մենք Թուրքիոյ Հանրապետութիւն ենք: Անոնք, որոնք Թուրքիոյ այս ձեւով նեղը կը դնե, կարեւոր բարեկամ կը կորսնցնեն»: